د پاکستان د کورنيو چارو وزير رحمان ملک ادعا کړې ، چې د بلوچستان په ايالت کې څلور داسې پوځونو شتون لري ، چې په دغه ايالت کې د ناکراريو عاملين دي . نوموړي په يوه خبري کنفرانس کې وويل ، چې دغه پوځونو پر حکومتي موسسو او موخه ييزو وژنو ﻻس پورې کوي . رحمان ملک د دغو لښکرو نومونو په دې ډول ياد کړل : ((د بلوچ جمهوريت پوځ )) ، (( د بلوچو لښکر)) ، ((د بلوچو آزداي بښونکی جبهه)) او (( د بلوچو د آزداي بښونکی پوځ )) او تور يې ولګولو ، چې بهرني هېوادنو سره تړاو لري . د يادولو وړ ده ، چې هند او پاکستان تر منځ د دوښمنۍ له امله په سيمه کې د يوه بل د مخالفو ډلو سره مرستې او ترهګريز بريدونه زيات شوي دي . که څه هم د پاکستان حکومت ، هند او افغانستان د دوی په چارو کې پر مداخله تورنوي ، خو شنونکي په دې باور دي ، چې پاکستان په دې برخه کې تر نورو زيات افراط ته ﻻس اچولی دی . د لويديځو نامتو خبري رسنيو د هغوﻻسوندونو پر بنسټ ، چې ((ويکي ليکس )) ورته ورکړي له دې رازونه پرده پورته کړې ، چې د پاکستان څارګره اداره ((ای اس ای )) په افغانستان کې له طالبانو ملاتړ کوي . دغه اسناد ښيي ، چې په کابل کې په ورستيو څو بريدونو کې ، چې د طالبانو لخوا تر سره شول ، ((ای اس ای )) ﻻس درلود . په دغه رپوټونو کې ليکل شوي ، چې ((ای اس ای )) له 2004 ز کال څخه بيا تر 2009 زکال پورې بريدونو کې دخالت درلود . ﻻسوندونه په ډاګه کوي ، چې ((ای اس ای )) په 2008 ز کال کې د جمهور رييس حامد کرزي په ترور کولو او همداراز د هند په سفارت او د ناټو پر الوتکه باندې بريدونو کې ﻻس درلود . د همدې رپوټونو په لړ کې يو بل ﻻسوند ښيي ، چې د پاکستان ((ای اس ای )) د زرو شاو خوا موټرسايکلونه يوازې د جلال الدين حقاني ډلې ته ورکړي دي . داسې اسناد هم شته ، چې په کې ((ای اس ای )) هڅه کړې په افغانستان کې بهرنيو او افغان ځواکونو ته په الکولي مشروباتو کې زهر ورکړي . د پاکستان د بهرنيو چارو وزارت وياند عبدالبسيط طبعيي دا تورنه رد کړي او ناسم يې بللي .