په افغانستان کې دناټو مېشتو سرتېرو دشنبې په ورځ د دوو ورک شوو امریکايي سرتېرو پلټنه پیل کړې ده . پرون ناوخته ناټو ومنله ، چې ددوی سرتیري ورک شوې دي اوس هڅه کوي ،چې دخپل نورو سرتېرو پر وسیله ،چې هوايي ځواکونه هم ورسره مل دي دا دوه ورک شوې سرتیري ومومي . دا دوه سرتیري دلوګر په څرخ ولسوالې کې تری تم شوې دي دناټو خبر پاڼه وايي : که ددې دوو سرتېرو په اړه هر چا معلومات ورکړل دهر سرتیري پر سر به 20زره ډالر جایزه ترلاسه کړي . اوس مهال دڅرخ ولسوالې ته ټولې ورغلې لارې تړل شوې دي دیادونې وړ ده ،چې په 2009 ز دجون پر 30 طالبانو د بیرګډال په نوم یو امریکايي سرتیري تښتولې دی او تر اوسه ورسره دی .
ليكوال: هوسۍ / نېټه: 25.07.2010 / خپرونكئ: هوسۍ / 
