د هاشمي رفسنجاني کور شا و خوا ځانګړو ځواکونو نيولی

په ايران کې د ټاکنو پر مهال، د امنیتي ځواکونو ګڼه ګوڼه او همداراز پر اصلاح غوښتونکو باندې فشار زیات شوی دی.
د العربيه نیټ د رېپوټ له مخې، په ټاکنو کې هاشمي رفسنجاني صلاحیت نه یوازې رد شوی، بلکې پر ده باندې نور فشارونه هم زیات شوي او د کور شاو خوا یې ځانګړي امنیتي ځواکونه ځای پر ځای شوي دي.
د سحام نیوز ویبسایټ د رېپوټ له مخې، د 21-05-2013 نېټې راهیسې، د جماران په سیمه کې، چېرې چې د رفسنجاني کور دی، ځانګړې او امنیتي ځواکونه زيات شوي دي.

په يوه بريد کې د انګریز سرتيري سر په چاکو پرې کړل شوی

داسې شک کيږي، چې دغه بريد د اسلامپالو لخوا تر سره شوی وي.

د لندن په سويل ختیځ کې، دوه تنه وروسته له هغې د پولیسو لخوا ټپیان شوي، چې  پر يوه لاروي، چې د پوځ سرتيری و بريد وکړ.

د پېښې د سیمې يوه تن استازي نیک رینزفورډ په پارلمان کې ويلي: (( ما ته  خبر راکړل شوی، چې وژل شوی یو تن سرتیری دی، چې په توپخانه کې یې دنده درلوده.))

نوموړې زياتې کړې، چې دغه سرتیری یوه ورځ وروسته  په کور کې تر رخصتۍ تیرولو، بيرته دندې ته روان و، چې په یوه لوی چاکو باندې تر بريد لاندې راغلی.

د لندن پولیس وايي، چې په پېښه یو تن چې د دوی په اند د پېښې قرباني دی وژل شوی او دوه تنه ټپيان دي.

يوه تن عيني شاهد ويلي، چې بریدګر یې لیدلی، چې په لوی چاکو سره یې د سرتیري سر غوڅولو.

د انګلستان لومړي وزير ډیويډ کامرون د کابينې غونډه رابللې او پېښه یې ډیره زړه بوږنونکې او ترهګریزه بللې.

ځینو سرچینو پولیسو ته ویلي، چې دوی ولیدل چې بریدګرو د وژلو پر مهال  الله اکبر ویل.

نورو شاهدانو بیا ويلي، چې دوه تنه بریدکوونکي یې ليدلي، چې سرتیری یې پر ځمکه کشولو او په دوه چاکوګانو یې سر له تنې نه بیل کړ.

د انګلستان پولیسو ويلي، چې د دوی په اند دغه برید به مذهبي لامل درلود او د ترهګرو لخوا برید تر سره شوی.

د انګلستان د پولیسو سرچینو په وینا، ۲۰ دقیقې وخت ته اړتیا وه، تر څو سیمې ته وسلوال پولیس ورسیږي، ځکه په لندن کې ټول پولیس وسلوال نه دي او یوازې یوه ځانګړې ډله د وسلې درلودلو اجازه لري.

د رېپوټونو له مخې، تر پېښې وروسته عاملین په سیمه کې بې له دې، چې کومه پښيماني وښيي ولاړ وو او خلک هم هلته راټول شول او د هغو موټرو له سورلیو سره، چې په سیمه کې تم شوي وو یوځای د بریدګرو ضد شعارونه ورکول.

له ایران هېواده راستانه شوي کوچیان په نشه یې توکو اخته شوي دي

 له ایران هېواده ټول راستانه شوي کوچیان په نشه یې توکو اخته شوي دي،ځکه اوس دغه هېواد ته خپل اولادونه له تګ راتګ څخه منعه کوي .

دغه خبره  په میدان وردګو ولایت کې  د نشه یې د توکو د مخنیوي په موخه په جوړه شوې غونډه کې په دغه ولایت کې د کوچیانو استازو وکړه او زیاته یې کړه د دې ولایت ټول کوچیان چې ګاونډیو هېوادونو هر یو پاکستان او په ځانګړي ډول ایران ته د کاروبار په موخه تللي،په دغه هېوادونو کې په نشه یې توکو اخته شوي دي .

دوی وویل : د همدغه سترې ستونزې د مخنیوي په موخه یې اوس له دغه هېوادونو څخه خپل اولادونه منعه کړي ترڅو په دغو ناوړو نشو اخته نشي .

په میدان وردګو ولایت کې نږدې درې سوه مېرمنو ته د مربااو روب جوړونې د زدکړې شپږ ورځنی پروګرام پیل شو.

د میدان وردګو ولایت دوه سوه څلوېښت تنو مېرمنو ته د روب او مربا جوړونې د زدکړو شپږ ورځنی پروګرام نن ( چهارشبنه ) د امریکا متحده ایالاتونو د جورجا پروګرام له لارې پیل شو،چې پنځه ورځې به نور هم دوام وکړي.

دزابل ولایت دشاه جوی ولسوالۍ تړلی ښوونځی بیاځلی پرانستل شول

زابل/افغانستان- 
د سیمه ييزو ارګانونو خپلواکې ادارله دزابل ولایت نه خبر راکوي، چې په شاه جوی ولسوالۍ کی هغه ښوونځی چی د وسلوالو مخالفینولخوا له ګواښ سره مخ شوی و، د زابل ولایت مقام په هڅو، د افغان ځواکونوپه مرسته، ستونزې په بشپړه توګه حل او دزدکوونکو په وړاندی یی دروازی بیا ځلی پرانستل شوی.
دیادونی وړ ده چی په زابل ولایت کی اوس مهال هم په سلوکی ایله څلویښت سلنه ښوونځی اساسی ودانۍ لری او متباقی شپیته په سلوکی لازم چاپیریال نلري او پخوانی حالت کی پاتی دي، چی زدکوونکی یی په په ازاده هوا کی ترخیمو لاندی زدکړو ته دوام ورکوی او له حکومت نه تمه لری ترڅود یادی ستونزی لپاره دحل لار برابره کړی؛ زابل ولایت په ښونځیوکی یوه بله پرته ستونزه ددرسی موادو اولوازمو کمښت دی چی ولایتی اداره او د زابل دپوهنی ریاست یی دزدکونکو له ګوتنیونی سره مخ کړي.
 

په خوست کې ((١٧٠٧)) تنو کارګرانو ته دکار زمينه برابره شوه

په خوست ولايت کې د ولايتي ادارې په هڅو او کوښښونو سره د دې ولايت په دوه منده شمل او اسماعيل خېلو او مندوزيو ولسواليو کې د څلورو مهمو پروژو په پيلېدلو سره ((١٧٠٧)) تنو بې روزګارو کارګرانو ته د کار کولو زمينه برابره شوه.
دغه څلور پروژې چې د يو مليون، اته سوه پنځه دېرش زره امريکايي ډالرو په لګښت د CADG موسسې په مالي مرسته جوړيږي، استنادي دېوالونه او سربندونه دي،چې دخلکو دزياتې غوښتنې په اساس منظورې شوي او چارې يې عملاً پيل شوې.
خوست والي ښاغلي عبدالجبارنعيمي د ادارو ريسانو ته په خپلو خبرو کې وويل د بيارغونې دپروژو منظوري او بشپړول زياتې هڅې غواړي، نو ټول مسوولين بايددخوست ولايت په مرکز او ولسواليو کې د بنسټيزو عام المنفعه پروژو د منظورۍ او پلي کېدلو په موخه پراخ کوښښونه وکړي او له خپلو اړونده وزارتونو څخه جدي غوښتنه وکړي، چې دخوست سرحدي او ستراتيژيک موقعيت ته په کتو سره د رغونې او همداشان پدې ولايت کې د بې کارۍ د کچې د راټيټوالي په موخه دخلکو په خوښه پروژې منظورې او په خپل وخت سره يې پلي کړي.
همدارنګه ښاغلي نعيمي له ټولو اړونده ريسانو او ولسوالانو وغوښتل چې د بيارغونې له ټولو روانو پروژو په کلکه څارنه او نظارت وکړي ، ترڅو ساختماني چارې يې په ښه کيفيت سره سرته ورسيږي او خلک ترې په دوامداره توګه ښه ګټه واخلي.
په غونډه کې د بېلابېلو ادارو ريسانو له يو شمېر مرکزي وزارتونو سخته ګيله وکړه، چې دوى ته په خپل وخت سره انکشافي بودجه نه ورکوي او بالاخره يې پلان شوي چارې ټکنۍ او ځنډنۍ کړي.
دوى د مرکزي حکومت له وزارتونو غوښتنه وکړه،چې دخوست حساس جغرافيايي موقعيت او پدې ولايت کې د بې کارۍ لوړې کچې ته په کتو سره انکشافي بودجې پخپل وخت راولېږي او هغه پروژې چې دخلکو په زياته غوښتنه وړانديز شوي، بايد ژر ترژره عملي بڼه خپله کړي.
د يادولو وړ ده، چې پلازمېنې کابل ته په وار، وار د ولايتي ادارې له لوري ګډ پلاوي لېږل شوي او ټول ضرورتونه يې په رسمي شکل سره اړونده وزارتونو ته سپارلي دي، چې ديادو وزارتونو مسوولينو کلکې ژمنې هم ورکړيدي، خو تر اوسه يې عملي څرک نه ليدل کيږي.
دچارو کتونکي پدې باور دي، که د وزارتونو لوړپوړي چارواکي دخلکو او ولايتي ادارې سره کړي ژمنې پوره نه کړي، نو خلک به د مايوسۍ سره مخ شي او پر يادو ادارو به خپل باور د لاسه ورکړي.

١-٣-١٣٩٢
پنځم ورځ

 

طالبان: په غزنې کې داربکيانو په ضد ولسي غبرګون شوی

د طالبانو لخوا په یوه راليږل شوي خبر کې ويل شوي، چې دغزني ولایت شلګر ولسوالۍ په ګنډير کلي کې داربکیانو يو لوی مرکز شتون درلود چې تيره ورځ ولسي خلک او کلیوال په يوه غږ راپورته شول داربکيانو په مرکز يې هجوم ور ووړ ، په خورا جرئت سره يي ټول اربکيان له خپله کلي او سيمې نه وشړل ، او خپل کلی يې له دوی څخه پاک کړ .
د طالبانو وياند ذبيح الله مجاهد وايي، چې ګنډير د اربکیانو د هند ته تښتيدلي مشر لونګ فيضان کلی دی، چې داربکيزم پروسه يي هم له همدې کلي نه پيل کړې وه ، يوه مياشت مخکې طالبانو هم د همدې کلي په مربوطاتو کې په يوه بيساري بريد کې داربکیو پوسته نيولي وه او ۱۵ تنه اربکیان يي ځای په ځای وژلي وو. مجاهد زياتوي، چې داوسني اقدام نه ښکاري چې ملت نور داربکیو دخپل سريو، بي عزتيو ، نيشو او لوپريو نه ستوني ته راغلی او نور ځانونه پخپله له دې شريرې پديدې نه ژغورلی شي .