 دلمانځه داذان حکمت
لمونځ په جماعت جمعې سره کول یو ضروري کار دئ اوپه یو وخت یوځای
دخلګو راټولول دخبرونو او اعلام پرته ستونزمن کار دئ او همدارنګه دالهی
حکمت غوښتنه هم دا ده چي اذان یواځې خبر دار ونه ګڼل شي بلکه له اسلامي شعائرو څخه وګڼل شي او خلګو ته ددې الفاظ وویل شي له دې کبله دا خبره ضروري ده چي دذکر الهی او شهادتینو څخه اذان جوړشوئ دئ او لمانځه ته بلنه هم په اذان کښي موجوده ده٫ چي د٫ حی علی الصلواة٫ مضمون دئ٫ داددې دپاره چي کوم شئ
ددې څخه منظور دئ چي هغه په ډاګه معلوم شي٫
٫٫٫٫٫٫
داذان پر وخت په غوږونو کښي دګوتو ورکولو وجه
٫٫٫
په ابن ماجه کتاب کښي حدیث دئ٫ ان رسول الله صلی الله علیه وسلم امر بلال
رضی الله عنه ان یجعل اصبعیه في اذنیه قال انه رفع لصوتک
یعنی نبي صلی الله علیه وسلم حضرت بلال رضی الله تعالی عنه ته حکم وکړو٫ چي داذان کولو پر وخت خپلي دواړه ګوتي په خپلو غوږونو کي ورکړه او اذان وکړه٫ نبي صلی الله علیه وسلم ورته وویل په دې کار سره یعنی چي ته په غوږونوکي ګوتي ونیسې نوبیا ستا اواز لوړیږي
٫٫٫
هغه ماشوم چي نوئ پیدا شي دهغه په
غوږونوکي داذان کولو راز
٫٫٫
کله چي یو ماشوم پیداشي نو دهغه په غوږونوکي داذان کولو راز دادئ
چي کوم اواز او ږغ چي دماشوم غوږته لومړئ ځل ورورسیږي
نو دغه اواز ددې ماشوم په دماغوکي مستقل او دده په فطرت کي
مرکزي ځای نیسي نو له همدې کبله داسلام دمقدس دین لارښود
محمد مصطفي صلی الله علیه وسلم ماشوم ته په غوږ کي داذان ورکولو
حکم وکړو٫ ددې دپاره چي دده په فطرت کښي لومړئ اواز٫
چي دده دپیدایښت څخه وروسته ځای نیسي باید دالهی توحید
او نبوي رسالت اواز وي٫ ځکه چي دپیدایښت دوخت اواز دماشوم
په طبیعت کي داسي ځای لري لکه دکاڼي کرښي
ــــــــ
په پښتنه مینه
محمدعلی عمری
سهیلی پښتونخوا مسلم باغ
omari.afghan@hotmail.com
د همدې برخې نورې ليكنې -----------------------------------------------------------------------------------
-----------------------------------------------------------------------------------
تبصره
|
ليكوال: محمدعلی عمری / نېټه: 28.07.2010 / خپرونكئ: س / 
