په لغمان ولايت کې دسولې جام سيالۍ نيمه پاى لوبو ته ورسيدې.

دکرکټ بورډ دختيځ زون لوى امريت دلغمان استازى ميوندمجاهد وايي دشپاړس لوبډلو ترمنځ پيل شوي دسولې جام سيالۍ نيمه پاى لوبوته ورسيدې

چيتا لوبډله دشهيدمنان احمدزي جام اتله شوه .

دافغان چيتا او سوپرسټار لوبډلو ترمنځ پاى لوبه چې دچهارشنبې په ورځ ماسپښين ترسره شوه،افغان چتيا لوبډلې وکولاى شول چې سوپرسټار لوبډلې ته په درې ويکټو ماتې ورکولو سره ددغه سياليو اتلولي خپله کړي .

خوست وﻻيت کې فرهنکي خوځښتونه زيات شوي

 د خوست د اطلاعات او فرهنګ رياست مسوولين وايي چې په دغه ولايت كې فرهنګي خوځښتونه دومره ډېراو منظم دي چې د هيواد د لومړۍ درجې ولايتونو سره يوشان دي، په خوست كې د دوو ټلويزيوني چينلونواو شپږ راډيوګانو اوريدونكوترڅنګ د كتاب مينه وال او لوستونكي هم زيات شوي دي.

دا څرګندونې په هغه غونډه كې وشوې چې د خوست د اطلاعات او فرهنګ په رياست كې د كتاب د  اونۍاو د كتابونود نندرتون د پرانستې په موخه جوړه شوې وه.

دا لومړى ځل دى چې په خوست كې د كتاب اونۍ نمانځل كيږي او بيا د كتابونو نندرتون جوړيږي، د خوست ولايت د اطلاعات او فرهنګ ريس محمدامين شاه الفت وايي چې دامهال په خوست كې د كتابونو لوستل او د كتاب مينه وال ډېرشوي دي د دې ښه ثبوت په لنډ وخت كې د بېلابېلوموضوعاتو ترڅلويښت عنوانه كتابونوچاپول په ښاركې د كتاب پلورنځيواو د عامه كتابتونو زياتوالى دى.

ده زياته كړه چې په خوست كې فرهنګي وضعيت د هيواد د لوموړۍ درجې ولايتونوسره برابراو له نورو ډېرو ولايتونووړاندې دى، اوس يې د كتاب اونۍ په وياړهغه دولس زره عنوانه كتابونه د درو ورځو لپاره نندارې ته وړاندې كړي چې د فرهنګ رياست په عامه كتابتون كې دي او هره ورځ به ترې په لسګونه مينه وال ليدنه كوي.

په همدې مهال ځينو ګډونوالوپه خوست كې له شته ليكوالانوغوښتنه وكړه چې د خوست خلكود هغو رواجونواو دودونوپه برخه كې څيړنې وكړي چې دا مهال د وركيدو او هيريدو په حال كې دي او بله داچې د كتابونو د ليكلوپه برخه كې مسلكيتوب ته پاملرنه وكړي.

تر څلور سوه زيات زده کوونکي په خوست کې مسموم شوي

 په خوست ولايت كې د يوه ښوونځي له څلور سوه ډېره زده كوونكي مسموم شوي دي، د خوست ملكي روغتون ډاكټران وايي چې دوى ته يې نږدې څلورسوه مسموم شوي زده كونكي راوړي چې اوس تر درملنې لاندې دي، د زده كوونكوترڅنګ درې ښوونكي هم مسموم شوي دي.

د سيمې خلك وايي چې زده كوونكووروسته له هغې خپل حالت له لاسه وركړ چې د ښوونځي پمپ اوبې يې وڅښلې، تراوسه پوره نه د معلومه چې د دې مسموم كيدو لامل څه دى.

د سه شنبې په روځ د خوست ولايت د مندوزيو ولسوالۍ اړوندد ورځې سميې د هلكانو ليسې له څلورسوه ډېره زده كوونكي مسموم شوي دي، موږ چې كله د خوست ملكي روغتون ته ورغلو د روغتون په واټونو او دهليزونوكې په لسګونه ماشومان چې ډېروته يې سيرومونه تېرشوي وو، پرځمكه پرته وو،  په روغتون كې د زده كوونكو وارثينواو د ښوونځي ښوونكو وويل سهار چې كله په ښوونځي كې زده كوونكواوبه څښلي له يوه ساعت تېريدو وروسته يو يو بي هوشه كيدو اخردا شمېرله څلورسوه هم واوښتو، دوى زياته كړه چې سيمه والوپوليسو، ملكي روغتون او كليوالوته خبر وركړ او سم لاسي سيمې ته پوليس، د روغتون امبولانسونه او د كليوالو موټر راغلل او زده كوونكي يې په بېړه د خوست ملكي روغتون ته ورسول:

په همدې اړه د خوست ملكي روغتون سرطبيب ډاكټرامين الله وايي چې دوى ته يې له غرمې وروسته نږدې څلورسوه مسموم شوي زده كوونكي چې زياتره يې بي هوشه شوي وو، راوړي دي، ده زياته كړه چې له دې ډلې  ترسلوپورې زده كوونكو حالت ښه نه وو او بسترشوي او پاتې نور يې هم تردرملنې لاندې خو زر به كورونوته رخصت شي.

د ياده ولوده چې له نن نه څوكاله وړاندې د همدې ليسې وداني د شپې پرمهال د نامعلوموكسانولخواپه ماينونو هم الوځول شوې وه چې وروسته بياله سره جوړه شوه او تراوسه د دې پېښې اصلي لامل هم نه دى معلوم شوى خو ډاكټران وايي چې په همدې موخه يې سيمې ته پلاوى ليږلي دى.

د مهاجرينو عالي کمشنرۍ د افغانانو لپاره وړيا روغتون جوړوي

د ملګري ملتونو ذ کډوالو اداره وايي چې دوی په کراچۍ کې د افغانانو لپاره يو وړيا کلينيک په کراچۍ جوړ کړي چې پکې به د مې په مياشت کې هره پنجشنبه د سترګو ناروغانو کتل کيږي. د ملګري ملتونو د کډوالو د ادارې يو کار کونکی وايي چې موږ د هاغه افغانانو لپاره چې د کمپونو څخه د باندې ژوند کوي او په بدخالت دي پدې برخه کې يو مرسته  وکړو

فراه : د والي په دفتر حمله شوې ده

نن سهار مهال د فراه ولايت  وسلوالو جنګيالو د فراه د والي په دفتر حمله کړې ده د راپورونو له مخې دغه حمله نن سهار هاغه مهال رامينځ ته شوه چې لومړي يو ځانمرګې په دروازه کې ځان والوځاوه او وروسته درې نور وسلوال د والي دفتر ته ننوتل،

. د فراه د امنيې قوماندان شمس الرحمن زاهد په وينا چې تر اوسه يو امينتي پوليس وژل شوی دی او والي په دفتر کې نه وو. د پېښې په اړه نور جزيات نه دې ورکړل شوي.

د چېک جمهوريت له افغانستان څخه د خپلو پوځيانو د وتلو طرحه اعلان کړه

د چېک جمهوريت پرون په پراګ کې له افغانستان څخه د خپلو ځواکونو د تدريجي ايستلو طرحه اعلان کړه. د دغې طرحې له مخې د چېکي پوځيانو شمېر به په 2013 کال کې 593 تنو ته راکم شي او په 2014 کال کې به 340 تنو ته ورسېږي. اوسمهال چېک په افغانستان کې 640 تنه پوځيان لري. دا طرحه بايد د تصويب لپاره پارلمان ته لاړه شي.

په پاکستان کې يوشمېر سفارتونو ته زهر جن پوډر استول شوي دي

په پاکستان کې د اسلام ابادپوليس خبر ورکوي، چې پرون په دغه ښار کې د يو شمېر هېوادونو سفاروتونو ته د پوستې له لارې زهر جن پوډر او له ګواښه ډک ليکونه استول شوي دي. پوليس وايي چې د برتانيې، فرانسې او اسټراليا سفارتونو ته داسې پاکټونه استول شوي،چې نيم ګرام زهر جن پوډر پکې و. همداراز په حيدر اباد ښار کې هم د يو شمېر هېوادونو قونسلګريو ته ورته پاکټونه استول شويدي. پوليس وايي، چې ښايي دا کار د ناټو پر مخ د اکمالاتي لارو دپرانيستو د اعلان په غبرګون کې شوی وي.

يوسف رضا ګېلاني: ډېر زر به د ناټو د اکمالاتو پر مخ لاره پرانيستل شي

پرون دپاکستان لومړي وزير يوسف رضا ګېلاني اعلان وکړ، چې ډېر زر به د ناټو د اکمالاتو پر مخ لاره پرانيستل شي. نوموړي د پرانيستلو دقيقه نېټه ونه ښوده، خو دا لومړی ځل دی چې په رسمي توګه د لارې د پرانيستو په اړه خبرې کېږي. له دې سره جوخت ناټو د پاکستان ولسمشر اصف علي زرداري ته بلنه ورکړه، چې راتلونکې اونۍ په شيکاګو کې د ناټو په سرمشريزه غونډه کې ګډون وکړي. پاکستان د امريکايي الوتکو په بريد کې د خپلو 24 سرتېرو د وژلو په احتجاج کې په بن کې د افغانستان په اړه نړيوال کنفرانس کې ګډون نه و کړی، خو داسې ښکاري چې داځل به نوموړی دناټو په سرمشريزه کې، چې زياتره د افغانستان پر مسايلو څرخي، ګډون وکړي.

په بدخشان کې 6 تنه وژل شوي دي

په بدخشان کې امنيتي چارواکي خبر ورکوي، چې پرون د دغه ولايت په وردوج ولايت کې د افغان امنيتي ځواکونو له خوا عمليات شوي دي، چې له امله يې څلور تنه وسله وال مخالفين او دوه تنه پوليس وژل شوي دي. دخبر له مخې پنځه تنه وسله وال مخالفين هم نيول شوي دي. ورودوج د بدخشان ولايت يوه نا ارامه ولسوالي ده، چې د څو عملياتو سربېره بيا هم امنيت نه دی راغلی.

افغانستان له جرمني سره هم ستراتيژيک سند لاسليک کړ

پرون ولسمشر حامد کرزي او د جرمني کانسلرې انګېلا مېرکل په برلين کې د افغانستان او جرمني تر منځ ستراتيژيک سند لاسليک کړ. د دغه سند له مخې به جرمني تر 2014 کال وروسته د افغان ځواکونو د روزنې او ملاتړ لپاره د کال 148 ميليون مرسته کوي. په تړون کې ويل شوي چې جرمني به تر 2014 کال وروسته هم د افغانستان تر څنګ ولاړ وي. تر دې دمخه استراليا هم اعلان وکړ، چې تر 2014 کال وروسته به له افغانستان سره 300 ميليون ډالره مرسته وکړي.

پکستان د ناټو څخه يو ميليون ډالر د ورځې غواړي

پکستان وايي چې دوی به د ناټو مالونه پدې شرط پرېدي چې د دوی د خاور څخه تېر شي چې دوی ته د ورځّې يو ميليون ډالر ورکړل شي.  دوی دا خبره په رسمې ډول اعلان کړه چې پکستان ته دې د هرې لارۍ په سر باندې د پينځلس سوه ډالره څخه نيولې تر اتلس سوه ډالره پورې ورکړل شي چې د ناټو د اړتيا په نظر کې نيولو سره دغه روپۍ په کال کې نزدې ۳۶۵ ميليونو ډالرو ته رسيږي.

پاکستان خپله لار هاغه مهال وتړله چې د تېرکال د نومبر په ۲۶ امريکايي ځواکونوپه سرحدي پوليسو بمبار وکړ او نزدې ۲۴ پکستاني عسکر يې ووژل.

صبغت الله مجددي: صلاح الدين رباني د سولې شورا د رياست وړتيا نه لري

دمشرانو جرګې پخواني رييس صبغت الله مجددي له بي بي سي سره په يوې ځانګړې مرکې کې ويلي، چې د سولې شورا نوی رييس صلاح الدين رباني د دې مقام وړتيا نه لري. مجددي چې له يوې مياشتې راهيسې يې خپلې ټولې دولتي دندې خوشې کړي او د احتجاج له مخې پر کور ناست دی، وايي ځکه يې له خپلو دندو استعفا کړې چې ولسمشر کرزي يې د سولې د شورا د رياست په اړه سلا ته غوږ نه دی نيولی. دی وايي چې صلاح الدين ربانې د سولې شورا د رياست لپاره ډېر ځوان دی او د طالبانو لپاره هم د منلو وړ نه دی. د ده په وينا د سولې شورا له 72 تنو غړو څخه 70 تنه يې د صلاح الدين رباني مخالف وو.

د ستراتيژيک تړون له مخې به جرمني په افغانستان کې زر تنه پوځيان وساتي

ولسمشر کرزی پرون جرمني ته د دې لپاره روان شو، چې هلته د جرمني له کانسلرې( انګېلا مېرکل) سره د افغانستان او جرمني ستراتيژيک تړون لاسليک کړي. د جرمني د مشهورې رسنۍ (شپيګل) په وينا د ستراتيژيک تړون له مخې به جرمني تر 2014 کال وروسته تر لسو کلو پورې د افغانستان له وسله والو ځواکونو سره په بېلا بېلو برخو کې مرسته کوي او له اړتيا سره سم به تر زرو تنو پوځيان په افغانستان کې ساتي. ټاکل شوې چې ولسمشر کرزی په جرمني کې د تړون تر لاسليک کولو وروسته امريکې ته لاړ شي او هلته د ناټو په سرمشريزه کې پر ګډون سربېره له اسټراليا سره هم ورته ستراتيژيک تړون لاسليک کړي.

اسټراليا تر 2014 کال وروسته د کال سل ميليون ډالره له افغان ځواکونو سره مرسته کوي

د اسټراليا حکومت وايي، چې دوی به تر 2014 کال وروسته تر دريو کلو پورې د افغانستان له وسله والو ځواکونو سره د کال 100 ميليون ډالره مرسته وکړي. اسټراليا به همداراز د افغان ځواکونو په روزنه کې مرسته کوي او د ځانګړو ځواکونو يوه ډله به هم په افغانستان کې وساتي. د استراليا لومړۍ وزيره (جوليا ګيلارډ) او دفاع وزير (ستېفن سمېت) به په روانه اونۍ کې امريکې ته لاړ شي، چې د ناټو په سرمشريزه کې د افغانستان لپاره د اسټراليا د مرستو اعلان وکړي او له ولسمشر کرزي سره ستراتيژيک تړون لاسليک کړي. اسټراليا همداراز ژمنه کړې چې تر 2014 کال وروسته به د پوهنې او روغتيا په برخو کې له افغانستان سره مرسته کوي.

د امريکې دفاع وزير د (اېف 22) الوتکو پر الوتنو بنديز ولګاوه

د امريکې دفاع وزارت خبر ورکوي، چې دفاع وزير (ليون پانېتا) د يوه فرمان په ترڅ کې د (اېف 22) الوتکو پر الوتنو محدوديت ولګاوه. له 2008 کال راهيسې د اېف 22 الوتکو پيلوټانو شکايت درلود، چې دوی ته د الوتنې پروخت سرګرځېدل او د ليد ستونزې پېښېدې او دوی د اکسېجن د کمښت احساس کاوه. پانېتا امر وکړ، چې تر دې وروسته دې اېف 22 يوازې هوايي ډګرونو ته نږدې الوتنې وکړي، چې که پيلوټ ته يې د بېړنۍ ناستې اړيتا پېښېده ځان هوايي ډګر ته ورسولی او په دې توګه يې دا الوتکې له لرې الوتنو منع کړې. ښايي د يوې مؤقتې چارې په توګه په دغو الوتکو کې د اکسېجن يوه اضافي کڅوړه کېښودل شي. اېف 22 د امريکې ډېرې پر مختللې جنګي الوتکې ګڼل کېږي.